طرق علاج الملل عند البنات ؟؟

طرق علاج الملل عند البنات ؟؟؟؟؟؟
امسكي التلفون وكلمي صديقة من زمااان ماكلمتيها..واسترجعوا ذكرياتكم مع بعض
اول..منها راح تمشين وقتك ومنها راح تجددون علاقتكم ومنها تشغلين التلفون 12
ساعة
2- اطلعي الحوش ولا السطح وافرشيلك فرشة وانسدحي على ظهرك وتآملي النجوم
واسترخيييي وتاملي؟!؟!؟
3-قصي اطراف شعرك..كل مازهقتي روحي عند المراية وقصي الاطراف(بس شوي شوي منها)
..اراهن انكم بتصلعون على هالحالة
4-امسكوا المسجل..ودوروا فيه بالبيت وسجلوا اصوات العائلة وهم يسولفون وسجلوا
صوت شخير الوالد وسجلوا الهواش اللي يصير وكل شيء..
5-روحي السوبر ماركت وامسكي العربانه ودوري فيها وصدمي بخلق الله وقولي
اووه آسفة ما أنتبهت
6-امسكي ريموت كونترول واحذفي كل القنوات من الرسيفر وارجعي حطيهم من جديد ( اتحداج
ان رجعتي منهم شي
7-تحدوا انفسكم تقعدون نص ساعة كاملة بدون ماتتكلمون مع اي احد او تفتحون
فمكم..نص ساعة طبعا بوجود الجميع (مااحد يقدر يسويها)
9-سوي عصير برتقال واشربيه
10- غيرى مكان اثاث غرفتك !!!
11-اقروا مجلة اطفال (ميكي وماجد) ههههه
12-البسي ملابس رجال غيرى فى شخصيتك !!
13- اخذيلج شور اجلسي ساعتين بالحمام >> اذا ما طلعتى تدورين الفراش
15-نظفوا ايميلاتكم ...سووا ديليت للناس اللي من زمان عنهم مادخلوا..وبلوك للناس
الثقيلين الدم
16-روحوا مواقع بطاقات وكاردات وارسلوا لصديقاتكم .. ( ومافيه مانع لاصدقائكم )
17-ألفي رسايل جوال ونكات ماسنجر..خذي مجلات فواصل وديوان طلال السعيد وطلعي
منه ابيات شعر تصلح نكااات للماسنجر واكتبيها بورقة..
18-ادخلي غرفتك وحطي فل ميكأب(مكياج كامل) كأنك رايحة لعرس ولطخي وجهك تلطيخ
19-امسكي دفتر تلوين اطفال واقعدي لوني ...هههه
20-اذا زهقتي افتحي دولاب ملابسك واقعدي قيسي ملابسك بدلة ورا الثانية< يمكن يجي
الصبح ماخلصتي من كثرهم
21-روحي المطبخ سوي كيكة (اتحداج اذا احد اكلها)
22-سوي ايميل جديد واقعدي العبي على اللي تعرفينهم ..
23-تعلموا لغة فرنسية هذا إذا انتي تعرفين أنجليزي .. مثلا كلمات معينة فرنسية
واقعدوا اكشخوا فيهم وتفلسفوا فيهم
24-اركبي السيارة وهي موقفة داخل البيت وكأنك تسوقين
25-اطلعي وانزلي الدرج عشرين مرة .. منها تتمشين ومنها تسوين ريجيم< ذبحتكم
القعدة والفراغ
26-اقعدي على الكومبيوتر وحوسيه مثل العادة
27-طلعي الحوش..وصيديلك حشرة لطيفة (صرصور مثلا ) وحطيها بعلبة وقعدي
راقبيها..بس لا تخلونها وقت طويل عشان ماتتعذب <والله و العطف اللي عندكم يالبنات
28-إخذي مجلات قديمة وقعدي قصقصي صور ولزقيها بكتالوج (بتطلع المواااااهب)
29-طلعوا الحوش ..ولعبي كرة..وكسري الليتات
30-قولي للشغاله سوي غدا غوزي وبعدين قوليلها مالي نفس اكل ...
ههههههههههههههههههههه