عاشق الهنادي مشرف منتدى العيادة الصحية
عدد الرسائل : 219 العمر : 35 المزاج : (فل,ل,ل,ل.ه) ا\\hgh,slm : تاريخ التسجيل : 24/04/2008
| موضوع: حوار بين جزار وحلاق (أوعوا يفوتكم) السبت أبريل 26, 2008 9:33 pm | |
| ذهب الاسطى فوطه الحلاق الى القهوه فوجد المعلم عكوه الجزار جالسا هناك فدار بينهم هذا الحوار ) الاسطى فوطه : صباح الفل يا معلم عكوه . كويس انك جيت في ميعادك . انا افتكرتك ها( تحلقلي ) زي كل مره . المعلم عكوه : يا راجل دا كلام . هو فيه حد يقدر يحلقلك . دا انت بركتنا . احنا من غيرك زى العرب من غير (جدى ) . الاسطى فوطه : جدى ايه يا معلم . الملافظ سعد . دا انا كنت جاى( استشورك) في حاجه مهمه . عكوه : خير يا صاحبي . فيه حد مضايقك ولا حاجه قولي عليه وانا ( أعلقهولك ) من رجله . فوطه : كتر خيرك يا معلم . يا ( مزين ) الحته ومنورها . بس انا كنت جاى في موضوع تاني خالص . موضوع جواز . عكوه : الله الله . انت خلاص نويت تعملها وتتجوز ويا ترى مين ( الضحيه ) فوطه : ضحية ايه يا معلم هو انا بقولك نويت أقتل . انا بقولك نويت اتجوز . هاتجوز البت ( صبغه )جارتنا . عكوه : يا زين ما اخترت دا البت زى الغزاله وعليها فردتين ( كوارع ) ما تقولش لعدوينك عليها . فوطه : ( قصر ) يا معلم وخلي ليلتك تعدي . عكوه : خلاص خلاص . انت ( هاتنطحني ) ولا ايه . يا راجل انا بهزر معاك انا كل قصدي ان البنت جميله و( تقاطيعها ) مسمسمه وتتاكل اكل . فوطه : بصراحه يا معلم البت ( مكانتها ) كبيره قوي عندي . وحاسس اني من غيرها عامل زى( المشط ) من غير سنان . عكوه : والله وبقيت رومانسي يا واد يا فوطه . وانا اللي كنت فاكرك ( جاموسه ) لا ليك في ( التور ) ولا في الطحين . فوطه : استغفر الله العظيم يا رب . يا راجل هو انت لسانك متبري منك . حسن ملافظك بعد كده . بدل ما أخدك ( مقص ) أجيبك الأرض . عكوه : طيب روق دمك . بدل ما ( مواسيرك ) تضرب . إلا قولي انت ناوى تزورهم امتى ؟ فوطه : ( بودره ) بإذن الله . عكوه : بقولك ايه اوعى تكون بتلعب بالبنت وناوي تمشي معاها يومين وبعدين ( تبرطع ). فوطه : عيب يا عكوه . دا انا كلمتي زى ( الموس ) . عكوه : ايوه كده . حاكم احنا رجاله ( جديان ) قوى . وليهم في الاصول . يعني لازم نحط النقط على ( الخروف ). فوطه : طبعا امال ايه .. بقولك ايه يا معلم ما تيجي نطلع على السينما . حاكم انا سمعت ان فيه فيلم جديد موجود هناك اسمه ( الحلقه ) الجهنميه . ونفسي اشوفه حاكم انا هاموت واعرف إيه نوع الحلقه ده بالضبط . عكوه : طب وليه المشوره . انا عندي فيلم فيديو اسمه المرآه و( الساطور ) حاكم الفيلم ده انا بعشقه وبحس ان فيه حاجه بتربطني بيه . إيه هيا مش عارف . فوطه : اقولك احسن حاجه انا هاروح انام علشان بكره بدري هاطلع على ( الشعر ) العقاري . علشان اجل شوية روايات ليه لسه كتبها جديد . عكوه : مش معقول . أهي ده ( كبدة ) إبريل . بقي انت يا معلم فوطه بتكتب روايات . ما بقاش إلا انت . على رأى المثل ( بعد ما شاب أكلوه كباب ) فوطه :انت مالك مش مصدق . ونازل فيه ( غسيل ) كده . ايوه انا بكتب روايات . وروايات ناجحه كمان . عندك مثلا رواية ( المقص والكلاب ) و ( الصلع خير ) و ( الحلاقون في الأرض ) . عكوه : غريبه ولا عمرى قريتلك حاجه . تكونش بتكتب بالحبر السري . فوطه : هو انت اساسا بتعرف تقرا دا انت جاهل وما تعرفشى الفرق بين الألف و( ماكينة الحلاقة ) عكوه : الله الله . انت ما تعرفشي ان اصحاب( العجول) في راحه . يعني العمليه مش مسألة علام وقرايه . المسألة مسألة فكاكه وفهلوه. وانا فكيك وفهلوي . دا انا مسميني في المنطقه المعلم ( ابو جاموس ) علشان بفهمها وهي طايره . فوطه : دا انت كلامك ( يحلق ) الدم . انا سايبهالك وماشي . ( فوطتك ) بعافيه . عكوه : إذنك معاك يا معلم فوطه . موبايلات بقى . إوعى تكون نسيت رقمي ( زيرو بقرتين اربع جواميس عجلين تور ) إوعى تنسى _________________ | |
|
قطر الندئ مشرف منتدى الضحك والوناسة
عدد الرسائل : 146 العمر : 36 تاريخ التسجيل : 24/04/2008
| موضوع: رد: حوار بين جزار وحلاق (أوعوا يفوتكم) الأحد أبريل 27, 2008 5:15 am | |
| موضوع موفق عاشق الهنادي وحياك انت ومشاركاتك ولا تحرمنا من وجودك بيننا ولك اجمل تحيه اخوك : قطر الندئ مشرف هاذا المنتدى | |
|