أسئله ترفع الضغط
اللي يسألها
مثلا :-
انت الحين بغرفتك منسدح بفراشك ومطفي النور فجأه يدخل عليك
اخوك\اختك ويفتح الباب ويقولك ها بتنام؟!! (لا برقص - اكيد بنام !!)
---------
انت لابس وداق الرسم واخر شياكة وقاعد تمشي بالبيت متجه للباب .. فجأه يشوفك احد من اهلك
ويصرخ عليك ويقول بصوت عالي :- (هاا ابتطلع !! (لا بجرب الباب اجل وش شايف))
الصراحه سؤال خطير !!
----------
انت قاعد بغرفتك وماسك الكتاب قاعد تدرس .. يخش عليك واحد من اهلك يقولك
(هاا قاعد تدرس !! (لا افرش اسناني !! يعني ماسك الكتاب شسوي اكيد ادرس))
-----------
انت الحين بالقهوة صدفه شفتو احد من الشباب او الاهل .. قالك هاا وش جالس تسوي !!
(جالس ابيع علك , يعني وش رايك ) !! لا تعليق
--------------------
لا وتعالو شوفو قنواتنا العجيبه اهما واسئلتهم !!
مثلا بالعيد بيقابلون واحد من الناس شوفو الحوار :-
المذيع :- مرحبا عرفنا على أسمك ؟
المواطن :- فلان الفلاني . . . . .
المذيع :- شو تحب تقول لأهلك بالعيد ؟ ! ! !
المواطن :- أقولهم كل عام وأنتم بخير . .
((لا يقولك : منه المال ومنها العيال))
يعني السؤال تحفه والمذيع ومعد البرنامج اتحف على هالسؤال
------------------------
والأسخف من هالبديهيات اللي تضيع وقتنا إذا قابلو (الاطفال) , , ,
يقول المذيع للطفل :- أنت تحب ماماوبابا ! ! !
((لا احبك))سؤال غبي الصراحه !!
----------------
برنامج مسابقات على الهوا :-
المتصل :- الوو السلام عليكم
المذيع :- وعليكم السلام هلا وغلا
المتصل:- ممكن اشارك
(يعني انت داق علشان تشارك ليش تستأذن !! من زوود الذرابه؟)
--------------------
يعني اسئله غبيـه مثل هالاسئله ماشفت ترفع الضغط
ولا تبخلوا علينا بالردود
وبدون قطات ...
تقبلو تمنياتي لكم بأبتسامه حلوهـ
غـ ـ ـرام اطفـ ـ ـال
السبت مايو 31, 2008 7:27 pm
هههههههههههههههههههـ . 
